Could anyone kindly provide the meaning of this song?
https://www.ranjanigayatri.com/srimadhurakaliammansuprabhatam
Śrī Madhurakālikāmbā Suprabhātam ।। Om Namaḥ Śrī Dakṣiṇakālikāyai ।।
mātaḥ śrīmadhurāmbikāmba siruvaccūr ramyadevālaye bhaktānugrahakāraṇāya satataṁ siṁhādhirūḍhe pare | bhaktānāṁ smaraṇena tuṣṭahṛdaye sarvāpadāṁ nāśinī mātaḥ śrīmadhurāmbike suvidite te suprabhātaṁ śivam ||
śrīmacChaṁkaraśaṅkarāryabhagavatpādaiḥ susampūjite tanmantraiśca sumantritākhilajanakṣemaprade yantrake | rājantī sakaleṣṭamāśu tanuṣe māteva vātsalyataḥ mātaḥ śrīmadhurāmbike sulalite te suprabhātaṁ śivam ||
tvaṁ haimādrisamudbhavāpi ca punaḥ vindhyādrivāsā mudā śrīmaddakṣiṇakāliketi siruvāccūr naijaramyālaye | bhaktābhīṣṭaphalaprade ca namatāṁ sarvārtisaṁhāriṇī mātaḥ śrīmadhurāmbike bhayahare te suprabhātaṁ śivam || aṣṭabhiśca karaiḥ sahetisubhagaiḥ śatrukṣaye dīkṣite bhaktānugrahaṇe varābhayakarau vīrāsanaṁ cāśrite | jvālāmālikayā pradīptamatulaṁ śūlaṁ kare bibhratī mātaḥ śrīmadhurāmbike sumahite te suprabhātaṁ śivam || koṇānāṁ tritayena ramyasumahāyantrālaye dīvyase śaktīnāṁ navabhiḥ sukoṇasugataiḥ dikpālakaiḥ saṁvṛte | svīyaiḥ mantravaraiḥ sumantritamahāyantrālaye dīpyase mātaḥ śrīmadhurāmbike atimadhure te suprabhātaṁ śivam||
lokānāṁ hitakāmyayā karuṇayā śrīkāli hatvā ripūn nānārūpadharaṁ mahogramahiṣaṁ śumbhaṁ niśumbhaṁ tathā | raktākṣaṁ śaṭharaktajihvamaparaṁ caṇḍaṁ ca muṇḍaṁ kṣaṇāt cāmuṇḍā śrīmadhurāmbike vijayase te suprabhātaṁ śivam || tvaṁ bhītān ditijān savāsavamukhān devān hi saṁrakṣituṁ śaktīnāṁ ca gaṇaiḥ sahaiva samare tān cāvadhīḥ daityakān | bhūyaścāpi bhaye sadaiva manujān rakṣāmi rakṣāmi ceti ānandāt tvamasāntvayaḥ kila śive te suprabhātaṁ śivam || vāyurvāti suśītalaḥ sukhakaraḥ śāntaṁ nabho vartate pūṣodeti phalanti caiva taravaḥ puṣyanti mallyādayaḥ | udbudhyasva śive kaṭākṣaya janān bhaktān hi rakṣekṣaṇe mātaḥ śrīmadhurāmbike sahṛdaye te suprabhātaṁ śivam || sarve bhaktajanāḥ sadāraśiśukāḥ sannārikelaṁ phalaṁ tāmbūlaṁ kamalaṁ sugandhi ca navaṁ gavyaṁ ca gandhaṁ kare | dhṛtvā tvāṁ pratipālayanti jagatāṁ śrīmātaraṁ kālikāṁ mātaḥ śrīmadhurāmbike sulalite te suprabhātaṁ śivam || tārānāyakaśobhiratnamakuṭe tāpiñchavarṇojvale tārtīyīkavilocanāgnimahite tāṁbūlapūrṇānane | mādhvīkādimahābhiṣekamudite mālāvibhūṣojvale mātaḥ śrīmadhurāmbike śubhakare te suprabhātaṁ śivam || vyādāyaiva viśālamāsyaṁ acirāt bhitvā ripoḥ cāpyuraḥ pītvā śoṇitamāśuraktavadane raktekṣaṇe jihvike | tārtīyīkavilocanena ditijān yā bhasmasaccākaroḥ mātaḥ śrīmadhurāmbike vidhinute te suprabhātaṁ śivam || dṛṣṭvā vīryam acintyaṁ adbhutatamaṁ vismāpanīyaṁ sadā brahmā-viṣṇu-maheśvarādimasūrāḥ yāṁ tuṣṭuvuḥ śrīsumaiḥ |
sā tvaṁ viśvajanīnavandyavibhave haiyaṅgavīnāśaye mātaḥ śrīmadhurāmbike'tisulabhe te suprabhātaṁ śivam || dvāviṁśanmanubhiḥ sadā sumahite śrībhadrakālīśvari durgā-lakṣmi-sarasvatītyabhidhayā vikhyātacaṇḍīśvari | śūlodbhāsikarāmbuje natajane sarvasvadānodyate mātaḥ śrīmadhurāmbike susubhage te suprabhātaṁ śivam || some bhārgavavāsare'pi sujanaiḥ nānādigantāgataiḥ tailābhyaktaśirobhireva satataṁ saṁsevitāṅghridvaye | mātṛṇāṁ ca susaptabhiśca navabhiḥ durgādibhiḥ saṁvṛte mātaḥ maṅgalakāriṇīṣṭavarade te suprabhātaṁ śivam || tvaṁ bālā tripurā parā sulalitā pratyaṅgirāḥ śāradā vācāmīśvari caṇḍikā ca bhagalā jvālāmukhī vaiṣṇavī | lakṣmīrnīlasarasvatī ca vijayā-śākambharī cānnadā sarvāḥ tvaṁ madhurāmbike vijayase te suprabhātaṁ śivam || kāmanāmatha pūraṇaikasuvidhau tvaṁ kāmadhenuḥ śubhe bhaktaiḥ cintita sarvadāna suvidhau cintāmaṇiḥ tvaṁ hi naḥ | kāṅkṣāpūraṇa cāturī sumahitaḥ śrīkalpavṛkṣaḥ svayaṁ mātaḥ śrīmadhurāmbike iṣṭavarade te suprabhātaṁ śivam || sarvāścaryamayaikacitracarite vismāpanīyo'dya me viśvārātivināśanaikanipuṇe vidyāvayovardhini | vedāntapratipādyamānavibhave viśvaikajīvātuke mātaḥ śrīmadhurāmbike bhayahare te suprabhātaṁ śivam || saumaṅgalya-subhartṛputrasukhade sauvāsinīpūjite saundaryaikanidhe surendravinute saubhāgyasaṁvardhini| sauśīlyādiguṇaprade ca namatāṁ satsaumanasyaprade mātaḥ śrīmadhurāmbike śrutinute te suprabhātaṁ śivam ||
vīṇā-veṇu-mṛdaṅga-nāṭayamudite vīṇāmunīndrastute śrīdurgāparasūktamantrasulabhe vāṇī-ramā-vījite | durgā-lakṣmi-sarasvatīti vinute kāmeśavāmāṅgake mātaḥ śrīmadhurāmbike sulalite te suprabhātaṁ śivam || dīpaṁ dīpayatīha yacca samaye śrīsomavāre punaḥ tat sukrāvadhi jājvalatyatitarāṁ caitanmahatvaṁ tava | talliptaṁ ca sucandanaṁ sukusumaṁ yaccārcitaṁ pādayoḥ naiva glāmyati sarvaśaktibharite te suprabhātaṁ śivam || saṁprāptāstava sannidhiṁ hi kṛpayā saṁprāpnuvanti dhruvaṁ cetohāri susundaraṁ nijapatiṁ vidyāvayobhāsvaram | saumaṅgalyasamṛddhiṁ āśu lalanāḥ vidyāṁ ca bālāḥ dhanaṁ sarvatraiva jayaṁ sadā sumadhure te suprabhātaṁ śivam || kiṁ vā duṣkaramambike tava padadvandvaikasaktātmanām kiṁ vā durlabhamasti tāvakamanuṁ japtuḥ sadā dhyāyinām | kiṁ vā durjayamasti raktakusumaiḥ nityārcanāṁ kurvatām mātaḥ śrīmadhurāmbike iṣṭavarade te suprabhātaṁ śivam || dātrī tvaṁ nikhilāni caihikasukhānyātṛpti vandaruke dāsyantī sakalaṁ manorathaphalaṁ cāmuṣmikaṁ dehinām | sālokyādi catuṣṭayaṁ ca sahasā datvā'nugṛhṇāsi naḥ mataḥ śrīmadhurāmbike iṣṭavarade te suprabhātaṁ śivam || sūryācandramasau tathā kujabudhau jīvaśca śukraḥ śaniḥ rāhuḥ keturabhīṣṭanityavaradāḥ yogāśca tārāgaṇāḥ | śrīkālīcaraṇāravindapatitaṁ no pīḍayanti dhruvaṁ śrīniḥśreyasadāyike sumadhure te suprabhātaṁ śivam || sarveṣāṁ ca manaḥ praśāntimadhunā datvā'nugṛhṇīṣva naḥ māyāmohitajantujātamadhunā vijñānapūrṇaṁ kuru |
sarvatraiva cakāstu bhāratatale śāntiḥ praśāntiḥ sukhaṁ mātaḥ śrīmadhurāmbike suvarade te suprabhātaṁ śivam || jvālāmālini caṇḍike sumadhure sāndrāntaraṅge sadā ajñānāt kṛtamantujālamadhunā tvaṁ vai kṣamasvāmbike | nāvā sindhumivādya tāraya janaṁ saṁsāravāraṁnidheḥ mātaḥ śrīmadhurāmbike sakaruṇe te suprabhātaṁ śivam || saṁrājñīpura-siruvāccūrvāsinī bhagavatī śrīmādhurī kālikā suprātaḥ prapaṭhet uṣasyapi mudā yo vā naraḥ pratyaham | taṁ vai rakṣati sāndranaijahṛdayā māteva vātsalyataḥ mātaḥ śrīmadhurāmbike sulalite te suprabhātaṁ śivam || devī tvāṁ śaraṇaṁ gato'smi satataṁ nānyā gatistvāṁ vinā tvaṁ mātāsi pitā tathaiva sahajaḥ bandhuśca putrī sutaḥ | sarvasvaṁ hi mama tvameva siruvāccūr rājñi rakṣekṣaṇe pāhyasmān sakuṭumbakān sumadhure te suprabhātaṁ śivam ||
saptaviṁśatisaṁkhyāka-suprātakamalaiḥ subhaiḥ | tvāmarcayāmi madhure prasīda varadā bhava ||
